اهلابيكم فى منتديات قااااااااهر
 
الرئيسيةالبوابةس .و .جبحـثقائمة الاعضاءالمجموعاتالتسجيلدخول

شاطر | 
 

 مقتطفات من رباعيات صلااااااح جااااااهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حور



عدد المساهمات : 211
تاريخ التسجيل : 03/11/2008
العمر : 26

مُساهمةموضوع: مقتطفات من رباعيات صلااااااح جااااااهين   الخميس نوفمبر 13, 2008 3:52 am


لو فيه سلام في الأرض وطمان وأمن
لو كان مفيش ولا فقر ولا خوف جبن
لو يملك الانسان مصير كل شئ
انا كنت اجيب للدنيا ميت ألف ابن
عجبي
[size=25]*******

العشب طاطا للنسايم ونخ
أخضر طري مالهش في الحسن أخ
عصفور عبيط انا.. غاوي بهجه وغُنا
ح انزل هنا.. وانشالله يهبرني فخ
عجبي
*******
أوصيك يابني بالقمر والزهور
أوصيك بليل القاهرة المسحور
وإن جيت في بالك.. إشتري عقد فل
لأي سمرا.. وقبري إوعك تزور
عجبي
*******
غمض عينيك وارقص بخفة ودلع
الدنيا هي الشابة وانت الجدع
تشوف رشاقة خطوتك تعبدك
لكن انت لو بصيت لرجليك.. تقع
عجبي
*******
حاسب من الاحزان وحاسب لها
حاسب على رقابيك من حبلها
راح تنتهي ولابد راح تنتهي
مش انتهت أحزان من قبلها؟
عجبي
*******
يأسك وصبرك بين إيديك وانت حر
تيأس ما تيأس الحياة راح تمر
أنا دقت من دا.. ومن دا عجبي لقيت
الصبر مر وبرضك اليأس مر
عجبي
*******
ولدي نصحتك لما صوتي اتنبح
ما تخفش من جنّي ولا من شبح
وان هبّ فيك عفريت قتيل إسأله
ما دافعش ليه عن نفسه يوم ما اندبح
عجبي
*******
خوض معركتها زي جدك ما خاض
صالب وقالب شفتك بامتعاض
هي كده.. ما تنولش منها الأمل
غير بعض صد ورد ووجاع مخاض
عجبي
*******
كام اشتغلت يا نيل في نحت الصخور
مليون بئونه والف مليون هاتور
يانيل أنا ابن حلال ومن خلفتك
وليه صعيبه عليّا بس الأمور
عجبي
*******
ولدي إليك بدل البالون ميت بالون
انفخ وطرقع فيه على كل لون
عساك تشوف بعينك مصير الرجال
المنفوخين في السترة والبنطلون
عجبي


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مقتطفات من رباعيات صلااااااح جااااااهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قااااهر :: القسم العام :: كلام فى الحب-
انتقل الى: