تعالوا نعرف بعض أكتــــــــــر, ادخل بسرعه ارجو التثبيت

احب الاول اوصل سلامى لكل اللى هيقرا الموضوع اللى يعتبر بدون تعليق ولا شك افض شى قريته لان ببساطه التعارف شيء مهم جدا (وجعلناكم شعوبا وقبائل لتعارفو) صدق الله العظيم الطريقه فى الاجابه بج مش بصعوبه طريقه الاسئله..... المهم؟!! انا سعيد جدا انى اشتركت معاكم ونفسى بجد اكون معاكم اكتر من كده!!! محدش يقول ازاى !! يعنى اكون معاكم على طول بس للاسف انا شغلى بخلص الساعه 12 مساء وعلشان ارسلكم بتاخر الصبح برضو المهم الاسله دى كتيره جدا؟؟؟؟؟؟؟؟؟؟ انا ببساطه هرد على اللى هقدر عليه وربنا يستر ///////// انااسمى رشوان رشوان وبحب اسم مهند من فتره قريبه تاريخ الميلاد 29/9/1985 واعتقد كده انتو عرفتو البرج صح انا شاب عادى غير متزوج ولا اعول من الصعيد تحديدا من سوهاج بدرس فى جامعه ازهريه وبعشق العمل الحر وبحاول اوفق بين شغلى وعملى وياريت لو حد شاف ردى يدعيلى وعندما اشعر بالضيق اذهب لاعز اصحابى (محمود شعيب)طبعا ملكمش دعوه باسمه بس هو فعلا يستحق الذكر والاجلال لقبى المفضل ابو رشوان حرفى المفضل H الرقم المفضل 9 ومعرفش بجد احكم على مميزاتى دى تحكم عليها الناس عيوبى ممكن تكون كتير منها انى ممكن انى بطمن لاى حد بسرعه الحكمه المفضله(دع ما يريبك الى ما لا يريبك )بقول الكلمه دى كتير انا كدا رديت على سبعه اساله وان شاء رب العالمين وحد قرا الكلام ده وعرفت انو قراه هكمل ال 22 سؤال الاصعب فيهم ونفسى بجد وبصراحه اللى كتب الموضوع ده كان اول واحد يرد على الاسئله دى ومستنى رد angle على اسالته اللى تعتبر فى منتهى الصعوبه انا بجد بحب المجموعه كلها ونفسى بجد بجد اتعرف عليكم ..........

انجل انت شفت ردى على الموضوع بجد الموضوع عاجب الكل بس للاسف فى ناس لازم تخبط على بابهه بالدلفرى بتاع الموضع الطازه التاريخ بيحول بينهم وبين الصح وصح الصح ان انتو وانا والكل يتعرف

انا اسمي نور وبحب الاسم ده اوي

انا برج الحوت وبصراحه بحب برجي اوي


انا بحب اكتب خواطر وبحب اقرا الحوادث ورومانسيه جدا ولو سمعت فيلم موثر ممكن اعيط


انا للاسف لما ببقي مضايقه مش بحب اتكلم مع حد


حرفي المفضل هو A

مميزاتي اني لما احس بحاجه بتبقي صح

عيوبي اني بثق في الناس بسرعه

لا تدع من تحبه يسيطر عليك دي الحكمه المفضله

انا شخصيا نفسي احب قبل مااتجوز لان لو اتجوزت من غير حب اكيد هظلمه معايا

اقرب الناس ليه نغم حبيبته قلبي واختي

حصلت معايا فعلا لاني كنت هتخطب لواحد مش بحبه اتصرفت اني هحاول اقنعه بالذوق اني مش بحبه لاني لو هربت هيفضل ورايا وهبقي انانيه

الحظ في حياتي هو اني حبيت مره

اخطا قلبي لما فكر انه يحب اصلا

بتمني ان الناس كلها تحب بعض وميبقاش في مشاكل

الامنيه الا اتحققت الصبر اتمنيت ان يكون عندي صبر في كل حاجه والحمد لله

انا اي كلمه لو بهزار ممكن تاثر معايا اكيد بكيت يعني

بقولها لاختي نغمممممممم اني بحبها حتي بحبها مش كفايه

لو ولد جه وسلم عليه ممكن يحمر وشي واكسف ومسلمش ممكن اسيبه وامشي

هي واحده صاحبتي اوي مشفتهاش بقالي 2سنتين

الثقه هي اني بثق في الناس بسرعه اما الغرور مااقبلهوش

اصعب قرار يوم مافكرت اني احب

شيء ندمت عليه هو بردوا الحب

بفرح لما بكون صادقه مع كل الناس بكيت بشده لما حد بيشخط فيه

الذ حاجه في الحب انك تحب وتتحب

الا بيقتل الحب الكدب

انا عمري ماصارحت لحد بس هما بيقولو ليه لكن انا مقدرش اقول لحد بحبك افضل الصمت

بحب الذكريات وبكرهه الكدب جدا

لساني بيبقي طويل لو حد فكر يعاندني ببقي خجوله لو حد قالي بحبك

نصيحه للمنتدي ياريت كله يصلي

السؤال هو ليه الحب مش بيعيش وانا اصلا معرفش اجابته؟

اخر كلمه مرسيه ياانجل وانا الوحيده الا جاوبت علي كل اسالتك لاني مش خايفه من اي سؤال

ميرسى اوى ليكم يا جماعه على المرور الجميل دة

-الاسم والرمز ؟
اسمى لميس وبحب الاسم ده اوى

2-تاريخ الميلاد والبرج ؟
انا برج الميزان وبرضو مش ليا فى الابراج

3- من انت في كلمات بسيطه ؟
انا شخصيه طموحه صريحه عصبيه شويه بس بعمل حد لنفسى بحب كل ناس وعمرى ما كرهت ممكن محبش بس مش اكره

4- لمن تذهب عندما تشعر بالضيق ؟
بروح لاعز صديقه ليا جد وعمرى ماهلاقى زيها منار اعز واحلى صديقه

5-لقب مفضل ,حرف مفضل , رقم مفضل ؟
لقبى المفضل نونه :حرفى المفضل ن :رقم المفضل 2 او اى رقم زوجى

6- مميزاتك وعيوبك ؟
مميزاتى يحكمها الناس بس الى واثقه فيه انى صريحه مش بحب الكدب ولا الخيانه بحب كل الناس انا بستحمل كتيييييييييييييييييييييييييييير اوى لدرجه ان الناس بتزهق لكن لما بقرر انى اسيب الشخص عمرى ما برجعله تانى جايز ده عيب ويمكن عصبيه بس ليا حدود جريئه وبرضو بحدود ويمكن الناس شايفه فيا عيب هوا انى مش باجى بالزعيق خالص باجى بالتفاهم اوى


7-حكمه مفضله ؟
هما حكمتين بصراحه 1\ لسانك حصانك ان صنته صانك وان هنته هانك
2\ حب لاخيك ما تحبه لنفسك
8-متى يكون الزواج مقبره للحب ؟
لما ميكنش فى تفاهم وثقه واخلاص وصراحه

9-اقرب الناس اليك ؟
كل اهلى وخصوصا ماما وصديقتى العزيزه

10- ماهو تصرفك عندما تريد التخلص من شخص لاتريده؟
لا اعطى ليه اهتمام ولكن مش احرجه ومش اديقه ولكن ابعد عنه واتجنبه فى هدوء

11- ماهو دور الحظ في حياتك ؟
والله انا مش بقتنع ان فى حظ لان فى ربنا والى ربنا عايزة بيكون والى فيها ربنا مبتغرقش

12-يخطئ القلب احيانا فهل اخطأ قلبك ؟
ممكن اوى يخطا القب عشان كده لازم نحكم العقل مع القلب واله لحد دلوقتى قلبى ماخطاش وربنا يستر

13-امنيه تتمنى تحقيقها , وامنيه تحققت ؟
انى انجح وان مامتى واهلى يكونوا بخير وان الاقى نصى التانى وامنيه اتحققت انى لقيت شخصيه برتاح معاها اوىىىىى

14- هل بكيت على حبيب مضى ؟
بصراحه لا وربنا ميحزنش حد ابدا وتكونوا ونكون ديما بخير

15-لمن تقول احبك ؟
اقولها لاهلى واقولها لصديقتى واقولها لحبيبى فى المستقبل الى ربنا هيكون مقدرة وياااااااااامسهل

16-متى يحمر وجهك ؟
عندما اخجل ومتى اخجل فى حالات كتير اوى بس لما يبصلى حد كتييييير ههههههههه حاجه محرجه اوى

17- شخصيه اذا وجتها تشعر بالسعاده ؟
والله فى حد لما بشوفه بشعر بالسعاده بس ربنا يسهل
ومتبصوليش احم احم

18- ماهو رايك بين الثقه والغرور ؟
الثقه انك تكون مقتنع بنفسك او مقتنع بالى ادامك وتكون واثق فيه او واثق فى نفسك لكن الغرور ده اسوء شئ ومش بحب اقول معناه لانى بكرة

19-اصعب قرار اتخذته ؟
واله تقريبا والله اعلم مفيش قرار صعب اتخذته لحد دلوقتى والله اعلم ولو هيبقى فى ربنا يعنا عليه

20-شئ ندمت عليه ؟
صديقه من زمان كده وندمت انى وثقت فى حد بسرعه ومن يومها حريصه اوى ههههه

21-متى فرحت بشده , ومتى بكيت بشده؟
فرحت لما شخص عزيز عليا اوى ارتبط ولقى الشخصيه الى تحبه وتقدرة
وبكيت اوى لما حسيت فى فترة من الفترات انى بجد لوحدى بجد احساس صعب اوى غير الاحساس بالوحده العادى او الطبيعى اتمنى محدش يحس بيه

22-ما الذ مافى الحب ؟
انك ترتاح لشخصيته متحس انك عايز تقوله كللللللل شئ من غير خجل او كسوف وتاخد رايه وتثق فيه بجد وتكون صريح معاه ويكون هوا صريح والذ مافى الحب انك تحب بجد سيبك انت كل حاجه بتيجى بعد كده وده بتوفيق ربنا

23- ما الذي يقتل الحب ؟
الكدب وعدم الثقه وعدم التفاهم والخيانه انا عندى ان الشخص يزعل من صراحتى لو ده حصل واعتزرله ولانى اكدب ابدااااااااا

24-كيف تصارح من تحب بحبك ؟
معتقدش اقدر بس يمكن يحصل لما يكون فى شئ اساسى او رسمى وادعوولى

25- كلمه تحبها وكلمه تكرها ؟
احب كلمه التفاهم والثقه والامان
اكرة كلمه الخيانه والكدب

26- متى يكون لسانك طويل ومتى تكون خجول ؟
اهم شئ انك مش تغلط بس لما بدايق من شخص بجد بعرف اقول الكلام الى يخليه يقف عند حده اوى واحيانا الواحد بيغلط لكن مش لدرجه اللسان الطويل بكون خجوله لما حد قعد يبصلى اوى ههه

27- نصيحه تحب ان تنصحها لاحد ؟
بص ياابن الناس ويابنت الحلال لوحبيت حد اوحبيتى حد اتمسكى لكن بالعقل واحب انصح اى حد عنده صديق بجد مخلص ميفرطش فيه خاالص مهما حصل ونصيحه احب اوجها برضو لو بتحب ومرتاح اعمل اى شئ عشان ترضى الى بتحبه ده لو يستاهل اوك

28- ما هو السؤال الذي يدور في ذهنك ولم اسأله ؟
قلت كل شئ لكن نفسى اعرف الفرق بين انك قلقان من حد ومش مرتاحله ايه الفرق بين الكلمتين دول بس مش اكتر

29- كلمه اخيره تنهى بها هذه الرحله ؟
بجد مبسوطه اوى انى تقريبا خرجت كل الى جوايا وبجد سعيده باصحابى الى هنا اوىىىىى وبوجه شكر خاص جدا جدا لانجل لان موضوعه بجد فى منتهى الروعه تحفه اوى يابرنس بجد وبقلكم وحشتونى جداااااااااااااااااااا لانى مش بشوفكم بس معلش الامتحانات بس ترقبونى فى ارض الشات بعد الامتحان هتوحشونى وسلامى ليكوا اوى وبشكرا جدا يا انجييييييييييييييل

انا مش هقدر اجاوب بسرعه ومش غرور علشان الكلام عمره ما هيعبر عن حياااااااااااااااتى شكرا انجل

ميرسى ليكم كلكم يا اجمل اعضاء على مروركم الجميل دة
وليه يا تيتو مش عاوز تجاوب حاول وهستنى منك الرد وميرسى ليك على مرورك
واطلب من ريم هى كمان تجاوب على الاسئله وميرسى ليها اوى