امتحان مواطن مصرى...

المساهمات : 211 تاريخ التسجيل : 03/11/2008 العمر : 34

امتحان موطن مصري
مصري مصري يعني
تفتكروا الامتحان ده حيكون عبارة عن ايه
يلا نشوف مع بعض

وزارة الهزار والتهييس
انت عايش في : مصر
في منطقة : مش فاكر ((يلا مش مهم))

السؤال الأول:اختار من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشرب)

2- اللي بنى هرم خوفو..............(طلعت مصطفى - المقاولون العرب - مقاول عادي - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)

5 - مصر هى أمي نيلها جوا...........(بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك - جمال مبارك - كل ما سبق)

السؤال الثاني: أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ .......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

السؤال الثالث:ضع علامة NIKE أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- اللي بيته من سيراميك ميحدفش الناس بالبلاط ( )

4- شاي الجوهرة حتة سكرة ( )

5- يحكم مصر النظام الملكي ( )

مع احترامي لكل المصريين اللي انا منهم (اجدع واحسن ناس )
هذا اللموضوع بغرض الهزار والفرفشة لا الا

المساهمات : 311 تاريخ التسجيل : 02/11/2008 العمر : 38

امتحان شديد وصعب اوى الله يكون فى عونه
ههههههههههههههههههه
ميرسى ليكى حور

المساهمات : 92 تاريخ التسجيل : 03/11/2008 العمر : 40

امتحان فعلا حلو بس ياترى تفتكرى ممكن حد يسقط فيه
ههههههههههههههههههههههه

لوووووورد

» محشش ينصح ابنــة قبل امتحان آخر السنة